Salmo 68:6-8

Ang Salita ng Dios (Tagalog Contemporary Bible)

⁶ Ibinibigay niya sa isang pamilya ang sinumang nag-iisa sa buhay.
    Pinalalaya rin niya ang mga binihag nang walang kasalanan
    at binibigyan sila ng masaganang buhay.
    Ngunit ang mga suwail, sa mainit at tigang na lupa maninirahan.
⁷ O Dios, nang pangunahan nʼyo sa paglalakbay sa ilang ang inyong mga mamamayan,
⁸ nayanig ang lupa at bumuhos ang ulan sa inyong harapan,
    O Dios ng Israel na nagpahayag sa Sinai.