40 Akoʼy matiyagang naghintay sa Panginoon,
    at dininig niya ang aking mga daing.
² Para akong nasa malalim at lubhang maputik na balon,
    ako ay kanyang iniahon at itinatayo sa malaking bato, upang hindi
    mapahamak.
³ Tinuruan niya ako ng bagong awit,
    ang awit ng pagpupuri sa ating Dios.
    Marami ang makakasaksi at matatakot sa Dios,
    at silaʼy magtitiwala sa kanya.
⁴ Mapalad ang taong sa Panginoon nagtitiwala,
    at hindi lumalapit sa mga mapagmataas,
    o sumasamba sa mga dios-diosan.

¹⁴ Mapahiya sana at malito ang lahat ng nagnanais na mamatay ako.
    Magsitakas sana sa kahihiyan ang lahat ng mga nagnanais na akoʼy mapahamak.
¹⁵ Pahiyain nʼyo nang lubos ang mga nagsasabi sa akin, “Aha! Napasaamin ka rin!”
¹⁶ Ngunit ang mga lumalapit sa inyo ay magalak sana at magsaya.
    Ang mga nagpapahalaga sa inyong pagliligtas ay lagi sanang magsabi,
    “Dakilain ang Panginoon!”