Salmo 119:105-112

Ang Salita ng Dios (Tagalog Contemporary Bible)

¹⁰⁵ Ang salita nʼyo ay katulad ng ilaw na nagbibigay-liwanag sa aking dadaanan.
¹⁰⁶ Tutuparin ko ang aking ipinangako na susundin ang inyong matuwid na mga utos.
¹⁰⁷ Hirap na hirap na po ako Panginoon;
    panatilihin nʼyo akong buhay ayon sa inyong pangako.
¹⁰⁸ Tanggapin nʼyo Panginoon ang taos-puso kong pagpupuri sa inyo,
    at ituro nʼyo sa akin ang inyong mga utos.
¹⁰⁹ Kahit na akoʼy palaging nasa bingit ng kamatayan,
    hindi ko kinakalimutan ang inyong mga kautusan.
¹¹⁰ Ang masasama ay naglagay ng patibong para sa akin,
    ngunit hindi ako humihiwalay sa inyong mga tuntunin.
¹¹¹ Ang inyong mga turo ang aking mana na walang hanggan,
    dahil itoʼy nagbibigay sa akin ng kagalakan.
¹¹² Aking napagpasyahan na susundin ko ang inyong mga tuntunin hanggang sa katapusan.