Salmo 29

Ang Pulong Sa Dios

³ Nagadahunog ang tingog sa Ginoo, ang gamhanang Dios,
ug madunggan kini diha sa kadagatan.
⁴ Ang iyang tingog gamhanan ug halangdon.
⁵ Makabali kini sa mga kahoyng sedro sa Lebanon.
⁶ Tay-ogon sa Ginoo ang mga bukid sa Lebanon ug ang bukid sa Hermon,^[b]
ug mahisama kini sa nati nga baka nga nagalukso-lukso.
⁷ Ang tingog sa Ginoo makapakilat ug
⁸ makapatay-og sa kamingawan,
bisan pa ang kamingawan sa Kadesh.
⁹ Ang tingog sa Ginoo makapaanak sa mananap nga usa^[c]
ug makapataktak sa mga dahon sa kahoy.
Ug sa iyang templo nagasinggit ang tanan, “Gamhanan ang Dios!”

¹⁰ Ang Ginoo ang nagamando sa mga baha.
Nagamando siya ingon nga hari sa walay kataposan.
¹¹ Gilig-on sa Ginoo ang iyang katawhan
ug gihatagan ug maayong kahimtang.