Salmo 137

Ang Pulong Sa Dios

137 Nanglingkod kami sa daplin sa mga suba sa Babilonia ug nanghilak sa dihang nahinumdom kami sa Zion.^[a]
2 Gipangsang-at namo ang among mga harpa sa mga sanga sa mga kahoy didto.
³ Kay gipaawit kami sa mga mibihag kanamo.
Gisugo nila kami sa paglingaw kanila.
Miingon sila, “Awiti ninyo kami ug awit mahitungod sa Zion!”
⁴ Unsaon namo pag-awit ug mga awit nga alang sa Ginoo sa yuta sa mga mibihag kanamo?
⁵ Hinaut pa nga dili na makalihok ang akong tuong kamot kon kalimtan ko ikaw, Jerusalem!
⁶ Hinaut pa nga dili na ako makaawit pag-usab^[b] kon dili ko hinumdoman ug isipon nga akong dakong kalipay ang Jerusalem.
⁷ Hinumdomi, Ginoo, ang gihimo sa mga Edomihanon sa dihang giilog sa Babilonia ang Jerusalem.
Miingon sila, “Gub-a ninyo kana sa hingpit.”