Salmo 124

Ang Pulong Sa Dios

² “Kon wala pa modapig ang Ginoo kanato sa dihang gisulong kita sa mga kaaway,
³ gipatay na unta nila kita tungod sa ilang labihang kasuko kanato.
^4-5 Daw gilapawan na unta kita sa tubig;
gianod sa makusog nga baha ug nalumos.
⁶ Dalaygon ang Ginoo, kay wala siya motugot nga kunis-kunison kita sa atong mga kaaway nga sama sa mabangis nga mga mananap.
⁷ Nakaikyas kita nga daw langgam nga nakabuhi gikan sa lit-ag.
Naguba ang lit-ag ug naluwas kita.
⁸ Ang panabang nga atong nadawat nagagikan sa Ginoo, nga naghimo sa kalangitan ug sa kalibotan.”