Romanos 12:4-8

Biblia Sacra Vulgata

⁴ Sicut enim in uno corpore multa membra habemus, omnia autem membra non eumdem actum habent:

⁵ ita multi unum corpus sumus in Christo, singuli autem alter alterius membra.

⁶ Habentes autem donationes secundum gratiam, quae data est nobis, differentes: sive prophetiam secundum rationem fidei,

⁷ sive ministerium in ministrando, sive qui docet in doctrina,

⁸ qui exhortatur in exhortando, qui tribuit in simplicitate, qui praeest in sollicitudine, qui miseretur in hilaritate.