A A A A A
Bible Book List

ROMANOS 13Mam de Todos Santos Chuchumatán (MVJ)

13  Entera key il tiˈj cxeˈl cynimana kej cawel te twitz txˈotxˈ, cuma ja Dios o cyaj kˈonte tuˈn at cawbil twitz txˈotxˈ, bix ja Dios o cyaj kˈonte tuˈn at kej nchi cawen cyibaj xjal. Juˈ tzunj, ka min txiˈ cyniman xjal kej cawel, nchi kˈojltzen tiˈj cawbil o tzaj tkˈoˈn Dios bix ckˈojeltzen cycastiwa cyuˈn cawel, cuma o kˈoj cye cawel yaaˈn tuˈn cykˈonte castiwa te cyej xjal nchi binchan baˈn, sino nuk oˈcx te cyej xjal nchi binchan kaˈ. Ka cycyˈiy tzaj ttz̈i ke cawel cyiˈja, jaj baˈn cybinchama, bix baˈn chi eleley tuj cywitz. Cxeˈl cybiˈna ke cawel, cuma ja Dios o cyaj kˈonte cycawbil tuˈn cycawen te jun baˈn te cyey. Pero ka kaˈ nbint cyuˈna, nuktzen eteˈqˈuey tz̈iyel cywitz, cuma yaaˈn nuk cyajx at cawbil cyuya. Ja te Dios o kˈonte cycawbil tuˈn cykˈonte cycastiwa kej nchi binchan kaˈ. Juˈ tzunj il tiˈj cxeˈl cynimana ke cawel. Pero yaaˈn nuk oˈcx tuˈn miˈn chi cuba tuj castiwa, sino cuma taj Dios tuˈn t‑xiˈ cynimana ke cawel. Bix chi choola alcyej tzin cykanen cawel, cuma Dios o cyaj kˈonte ke cawel tuˈn cycawen, bix tiˈj nchi cawen, nchi ajben te Dios. Juˈ tzunj chi choola alcyej il tiˈj tuˈn cykˈontey cye cawel, jaaˈxja tumel tuˈn tchjet. Cxeˈl cynimana alcyekej at cyoclen tuˈn cynimj, bix ctemel chˈin cynaabla cywitz kej at tuˈn cyiikˈente cynaabla.

Ka cˈasbenelkey, miˈn tzˈel tuj cycˈuˈja tuˈn cychjontey. Pero ja tzunj tkˈakˈbil cycˈuˈja cyxola tisen cycˈasbena mlay tweˈ. Juˈ tzunj cucx tzˈoc cyakˈ cyuyey cyey. Ka n‑oc cyakˈ cabtl cyuyey cyey, nbinttzen cykilcaj tzin tkbaˈn ley cyuˈna. Tzin tkbaˈn ley cyjulu: “Miˈn tzˈel cyiiˈna t‑xuˈl cyuyey. Miˈn cub cybyoˈna xjal. Miˈn chi alkˈana. Miˈn tzˈoc cyachena tikˈch at,” tz̈i ley, bix at mastl tzin tkbaˈn. Jax juˈx tzin tkbaˈn tyol Dios cyjulu: “Tisenx cycˈojlan cyey cyiiba, juˈxsen cˈoquel cyakˈ cyuyey cyey,” tz̈i tyol Dios. Ka juˈ nbint cyuˈna, nchi niman tzuna cykilcaj tzin tkbaˈn ley. 10 Ka n‑oc cyakˈ xjal cyey, mintzentiiˈ kaˈ n‑oc cybinchena cyiˈj juˈwa. Juˈ tzunj nchi niman tzuna alcyej tzin tkbaˈn ley oj n‑oc cyakˈ cyuyey cyey.

11 Cykilca tzunj lu ma txiˈ nkbaˈna cyey, iltzen tiˈj tuˈn tbint cyuˈna, cuma ktzkiˈn ma pon tumel tuˈn tel kelsaˈn kwatl. Nimxe tyem o tzˈex toclen kocslaˈn Cristo, bix tzajnen ttzaj lkˈe jkˈij tuˈn tulxin te clol ke. 12 Cpomel baj twiˈ jkˈij tuj kloljil etoˈ. Jkˈij te tulel Cristo ma tzakˈ ulel lkˈe. Tisencˈa chˈix kskix. Juˈ tzunj cyjel cykˈoˈn ja kaˈ nbint tuj kloljil, bix cybinchama jbaˈn nbint tuj spiˈyen. 13 Cxeˈlxix kiiˈn kchunkˈlal tuj tumel, yaaˈn tisen kej eteˈ tuj kloljil. Miˈn cybinchay tisen kej xjal nchi bolayin bix nim s̈itz̈ˈbil eteˈ. Miˈn chi binchana tuya pajbaj bix tikˈch taj cyxumlala. Miˈn chi jyona kˈoj cyxola, bix miˈn chiˈl cycˈuˈja tiˈ juntl. 14 Jcbinel kuˈn jaj cxeˈlxix kiiˈn jun knaabl junx tuya tnaabl Kaaw Jesucristo. Oj taj tnaabla aj il tuˈn tbinchan il, miˈn txiˈ tnimana.

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes