Psalmi 32:1-6

Biblia Sacra Vulgata

32 Psalmus David. Exsultate, justi, in Domino; rectos decet collaudatio.

² Confitemini Domino in cithara; in psalterio decem chordarum psallite illi.

³ Cantate ei canticum novum; bene psallite ei in vociferatione.

⁴ Quia rectum est verbum Domini, et omnia opera ejus in fide.

⁵ Diligit misericordiam et judicium; misericordia Domini plena est terra.

⁶ Verbo Domini caeli firmati sunt, et spiritu oris ejus omnis virtus eorum.