A A A A A
Bible Book List

Psalmi 6Biblia Sacra Vulgata (VULGATE)

in finem in carminibus pro octava psalmus David

Domine ne in furore tuo arguas me neque in ira tua corripias me

miserere mei Domine quoniam infirmus sum sana me Domine quoniam conturbata sunt ossa mea

et anima mea turbata est valde et tu Domine usquequo

convertere Domine eripe animam meam salvum me fac propter misericordiam tuam

quoniam non est in morte qui memor sit tui in inferno autem quis confitebitur tibi

laboravi in gemitu meo lavabo per singulas noctes lectum meum in lacrimis meis stratum meum rigabo

turbatus est a furore oculus meus inveteravi inter omnes inimicos meos

discedite a me omnes qui operamini iniquitatem quoniam exaudivit Dominus vocem fletus mei

10 exaudivit Dominus deprecationem meam Dominus orationem meam suscepit

11 erubescant et conturbentur vehementer omnes inimici mei convertantur et erubescant valde velociter

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes