Mga Awit 139:7-10

Magandang Balita Biblia

⁷ Saan ako magpupunta, upang ako'y makatakas?
    Sa iyo bang Espiritu,^[a] ako ba'y makakaiwas?
⁸ Kung langit ang puntahan ko, tiyak na naroroon ka,
    sa daigdig ng mga patay, humimlay man ako'y ikaw din ang kasama;
⁹ kung ako ay makalipad, umiwas na pasilangan,
    o kaya ang tirahan ko'y ang duluhan ng kanluran;
¹⁰ tiyak ikaw ay naroon, upang ako'y pangunahan,
    matatagpo kita roon upang ako ay tulungan.