Salmo 60:5-12

Ang Pulong Sa Dios

⁵ Luwasa kami pinaagi sa imong gahom.
Tubaga ang among mga pag-ampo aron maluwas kami nga imong mga hinigugma.
⁶ O Dios, miingon ka didto sa imong templo,
“Modaog ako. Bahin-bahinon ko ang Shekem ug ang Kapatagan sa Sucot ug ipanghatag sa akong katawhan.
⁷ Akoa ang Gilead, ingon man ang Manase.
Ang Efraim mao ang akong tigpanalipod^[a] ug ang Juda mao ang akong tigdumala.^[b]
8 Ang Moab akong sulugoon^[c] ug ang Edom akong gipanag-iyahan.^[d]
Mosinggit ako sa kadaogan batok sa Filistia.”
⁹ Kinsa ang modala kanako sa Edom ug sa siyudad niini nga nalibotan sa mga paril?
¹⁰ Dili ba ikaw, O Dios, nga nagsalikway kanamo ug wala na mouban sa among mga sundalo?
¹¹ Tabangi kami batok sa among mga kaaway,
kay walay pulos ang tabang sa tawo.
¹² Modaog kami pinaagi sa imong tabang, O Dios,
kay laglagon mo ang among mga kaaway.