Salmo 57:7-11

Ang Pulong Sa Dios

⁷ Mosalig gayod ako kanimo, O Dios;
awitan ko ikaw ug mga pagdayeg.
⁸ Momata ako samtang nagabanagbanag pa, ug andamon ko ang akong mga instrumento nga may mga kuwerdas sa pagdayeg kanimo sa tibuok kong kasingkasing.
⁹ Dayegon ko ikaw, Ginoo, taliwala sa kanasoran.
Awitan ko ikaw taliwala sa mga katawhan.
¹⁰ Kay ang imong gugma ug pagkamatinumanon dili gayod masukod;
mas taas pa kini sa kalangitan.
¹¹ O Dios, ipakita ang imong pagkagamhanan diha sa kalangitan ug sa tibuok kalibotan.