Salmo 16:8-11

Ang Pulong Sa Dios

⁸ Kanunay ko ikaw nga gihunahuna, Ginoo.
Ug tungod kay anaa ka uban kanako dili gayod ako matarog.
⁹ Busa malipayon ako kaayo.
Ug magkinabuhi ako nga luwas sa katalagman,
¹⁰ kay dili mo ako pasagdan nga moadto sa dapit sa mga patay.
Dili mo tugotan nga madugta^[a] ang imong matinud-anon nga alagad.
¹¹ Ginatudloan mo ako kon unsaon pag-angkon ang maayong kinabuhi.^[b]
Uban kanimo hingpit ang akong kalipay hangtod sa kahangtoran.