Psalmi 107:2-9

Biblia Sacra Vulgata

² Paratum cor meum, Deus, paratum cor meum; cantabo, et psallam in gloria mea.

³ Exsurge, gloria mea; exsurge, psalterium et cithara; exsurgam diluculo.

⁴ Confitebor tibi in populis, Domine, et psallam tibi in nationibus:

⁵ quia magna est super caelos misericordia tua, et usque ad nubes veritas tua.

⁶ Exaltare super caelos, Deus, et super omnem terram gloria tua:

⁷ ut liberentur dilecti tui. Salvum fac dextera tua, et exaudi me.

⁸ Deus locutus est in sancto suo: Exsultabo, et dividam Sichimam; et convallem tabernaculorum dimetiar.

⁹ Meus est Galaad, et meus est Manasses, et Ephraim susceptio capitis mei. Juda rex meus;