Panultihon 8:33-36

Ang Pulong Sa Dios

³³ Pamatia ninyo ang akong pagtul-id sa inyong pamatasan aron mahimo kamong maalamon,
ug ayaw gayod ninyo kini kalimti.
³⁴ Bulahan ang tawo nga kanunayng nangandam ug naghulat sa pagpamati kanako.
³⁵ Kay ang tawo nga nagapangita kanako makaangkon sa maayo ug taas nga kinabuhi,
ug pakamaayohon siya sa Ginoo.
³⁶ Apan ang tawo nga wala mangita kanako, nagasakit lang sa iyang kaugalingon.
Ang tanang mga nasuko kanako gusto ug kamatayon.”