Panultihon 2:16-22

Ang Pulong Sa Dios

¹⁶ Ang kaalam maglikay usab kanimo sa babayeng daotan nga buot motintal kanimo pinaagi sa matam-is niyang mga pulong. ¹⁷ Kining babayhana mibiya sa iyang bana nga iyang giminyoan sa batan-on pa siya; gikalimtan niya ang iyang saad sa Dios sa dihang gikasal siya. ¹⁸ Ang pag-adto sa iyang balay sama ra nga nagpaingon ka sa kamatayon. Ang dalan paingon sa iyang balay padulong sa dapit sa mga patay. ¹⁹ Si bisan kinsa nga moadto kaniya dili na makauli; dili na niini matultolan pa ang dalan paingon sa dapit sa mga buhi. ²⁰ Busa sunda ang pagkinabuhi sa maayo nga mga tawo; pagkinabuhi nga matarong. ²¹ Kay ang tawo nga nagakinabuhi sa ensakto ug dili salawayon padayon nga magpuyo dinhi sa atong yuta. ²² Apan ang mga daotan ug maluibon abugon. Pang-ibton sila sama sa mga sagbot.