Panultihon 8:14-26

Ang Pulong Sa Dios

¹⁴ Maayo akong motambag ug may husto ako nga kaalam. May pagsabot ako ug gahom.
¹⁵ Pinaagi kanako makadumala ang mga hari, ug makahimo ang mga pangulo ug matarong nga mga kasugoan.
¹⁶ Pinaagi kanako makadumala ang mga tigdumala ug ang mga opisyal—ang tanan nga nagadumala nga matarong.^[a]
17 Ginahigugma ko ang nagahigugma kanako;
ang mangita kanako makakaplag kanako.
¹⁸ Makahatag akog bahandi, dungog, kauswagan, ug kadaogan nga molungtad.
¹⁹ Ang akong mahatag mas bililhon pa kaysa purong bulawan o pilak.
²⁰ Ginasunod ko kon unsay matarong ug husto.
²¹ Ang nagahigugma kanako hatagan kog bahandi;
pun-on ko ang ilang tipiganan sa bahandi.
²² Daan na akong kauban^[b] sa Ginoo sa wala pa niya mugnaa ang tanan.
^23-26 Gitugotan niya nga anaa na ako sukad pa sa una.
Diha na ako sa wala pa ang kalibotan: ang dagat, ang mga tuboran, ang mga bukid, ang mga bungtod, ang mga kaumahan, ug bisan ang mga abog.