Panultihon 6:27-35

Ang Pulong Sa Dios

²⁷ Kon ipaduol mo ang kalayo sa imong dughan masunog ang imong bisti. ²⁸ Kon maglakaw ka sa baga mapaso ang imong tiil. ²⁹ Mao kana nga kon makighilawas ka sa asawa sa uban, silotan ka!

³⁰ Mahimong palabyon ang gihimo sa kawatan nga nangawat tungod kay gigutom siya, ³¹ apan kon madakpan siya, pabayron siyag pito ka pilo sa kantidad nga iyang gikawat, bisan pag mahurot ang tanan niyang butang.

³² Ang tawong nakigrelasyon sa asawa sa uban walay hustong panabot. Gidaot lang niya ang iyang kaugalingon. ³³ Sakiton siya ug maulawan hangtod sa kahangtoran. ³⁴ Ang bana nga nangabugho masuko pag-ayo, ug mobalos siya nga walay kalooy. ³⁵ Dili siya modawat ug bayad, bisan pag unsa kini kadako.