Panultihon 5:1-6

Ang Pulong Sa Dios

Pahimangno Kabahin sa Pagpanapaw

5 Anak, paminawa kining mga maalamong pulong nga akong isulti, ² aron makahibalo ka magdesisyon sa ensakto ug manulti nga may kaalam. ³ Ang pulong sa babayeng daotan sama katam-is sa dugos, ug lami tagamtamon sama sa lana sa olibo. ⁴ Apan sa kaulahian ang kapait ug kasakit ray imong dangatan. ⁵ Kon mosunod ka kaniya, dad-on ka niya sa dapit sa mga patay; ang dalan nga iyang gilakwan padulong sa kamatayon. ⁶ Wala siya magtagad sa dalan sa kinabuhi. Dili tul-id ang dalan nga iyang ginasubay ug wala gani siya makaamgo niini.