Panultihon 31:1-7

Ang Pulong Sa Dios

Ang mga Panultihon ni Haring Lemuel

31 Mao kini ang mga panultihon ni Haring Lemuel nga taga-Masa,^[a] nga gitudlo kaniya sa iyang inahan:

² Anak ko, natawo ka ingon nga tubag sa akong mga pag-ampo. ³ Ayaw usiki ang imong kinabuhi ug kusog diha sa mga babaye, kay silay hinungdan sa kalaglagan sa mga hari. ⁴ Lemuel, dili angay nga moinom ug bino ang mga hari ug ang mga nagadumala. ⁵ Kay kon hubog sila, makalimot sila sa kasugoan, ug makalapas sila sa katungod sa mga kabos. ^6-7 Pasagdi nga moinom ang mga tawo nga nawad-an na ug paglaom^[b] ug anaa sa kaguol, aron malimtan nila ang ilang kakabos ug mga kalisod.