Panultihon 1:24-28

Ang Pulong Sa Dios

²⁴ Tungod kay wala kamo manumbaling sa akong pagtawag nga moduol kanako,
²⁵ ug tungod kay gipakawalay-bili ninyo ang tanan kong mga tambag ug pagbadlong,
^26-27 kataw-an ko kamo kon moabot kaninyo ang katalagman nga daw sa buhawi;
biay-biayon ko kamo kon moabot kaninyo ang daw sa bagyo nga kalisdanan ug ang makalilisang nga mga panghitabo.
²⁸ Unya manawag kamo kanako, apan dili ko kamo panumbalingon.
Mangita kamo kanako, apan dili ninyo ako makit-an.