Panaghoy 3:37-42

Ang Salita ng Dios (Tagalog Contemporary Bible)

³⁷ Walang anumang bagay na nangyayari na hindi pinahihintulutan ng Panginoon. ³⁸ Ang Kataas-taasang Dios ang nagpapasya kung ang isang bagay na mabuti o masama ay mangyayari. ³⁹ Kaya bakit tayo magrereklamo kung pinarurusahan tayo dahil sa ating kasalanan? ⁴⁰ Ang dapat ay siyasatin natin ang ating pamumuhay at magbalik-loob sa Panginoon. ⁴¹ Buksan natin ang ating mga puso at itaas ang ating mga kamay sa Dios na nasa langit at sabihin: ⁴² “Panginoon, nagkasala po kami at naghimagsik sa inyo, at hindi nʼyo kami pinatawad.