Pahayag 9:6-8

Magandang Balita Biblia (with Deuterocanon)

⁶ Sa^(A) loob ng panahong iyon, hahanapin ng mga tao ang kamatayan ngunit hindi ito matatagpuan. Nanaisin nila ang kamatayan ngunit lalayuan sila nito.

⁷ Ang^(B) anyo ng mga balang ay tulad sa mga kabayong handa na sa pakikipagdigma. Sa kanilang ulo ay may parang koronang ginto, at parang mukha ng tao ang kanilang mukha. ⁸ Parang^(C) buhok ng babae ang kanilang buhok at parang ngipin ng leon ang kanilang mga ngipin.