Pahayag 5
Magandang Balita Biblia
Ang Kasulatan at ang Kordero
5 Nakita(A) ko sa kanang kamay ng nakaupo sa trono ang isang kasulatang nakabalumbon, na may sulat sa loob at labas at sinarhan ng pitong selyo. 2 At nakita ko rin ang isang makapangyarihang anghel na nagtanong nang malakas, “Sino ang karapat-dapat na mag-alis sa mga selyo at magbukas sa balumbon?” 3 Ngunit wala ni isa man, maging sa langit, maging sa lupa o sa ilalim ng lupa,[a] na makapagbukas o makatingin sa nilalaman niyon. 4 Buong kapaitan akong umiyak dahil walang natagpuang karapat-dapat na magbukas at tumingin sa nilalaman niyon. 5 Ngunit(B) sinabi sa akin ng isa sa matatandang pinuno, “Huwag kang umiyak. Tingnan mo! Ang Leon mula sa lipi ni Juda, ang anak ni David ay nagtagumpay at may karapatang mag-alis sa pitong selyo at magbukas sa kasulatang nakabalumbon.”
6 Pagkatapos,(C) nakita ko sa pagitan ng matatandang pinuno at ng tronong napapaligiran ng apat na buháy na nilalang ang isang Korderong nakatayo na ang anyo ay tulad sa pinatay na. Ito'y may pitong sungay at pitong mata na siyang pitong espiritu ng Diyos na ipinadala sa buong daigdig. 7 Lumapit ang Kordero at kinuha ang kasulatang nakabalumbon sa kanang kamay ng nakaupo sa trono. 8 Nang(D) ito'y kunin niya, nagpatirapa sa harapan ng Kordero ang apat na buháy na nilalang at ang dalawampu't apat (24) na matatandang pinuno. Bawat isa'y may hawak na alpa at may gintong mangkok na punô ng insenso na siyang mga panalangin ng mga hinirang ng Diyos. 9 Inaawit(E) nila ang isang bagong awit:
“Ikaw ang karapat-dapat na kumuha sa kasulatang nakabalumbon
at magtanggal sa mga selyo niyon.
Sapagkat pinatay ka, at sa pamamagitan ng iyong dugo ay tinubos mo ang mga tao para sa Diyos,
mula sa bawat lahi, wika, bayan at bansa.
10 Ginawa(F) mo silang isang lahing maharlika at mga pari na itinalaga upang maglingkod sa ating Diyos;
at sila'y maghahari sa lupa.”
11 Tumingin(G) akong muli at narinig ko ang tinig ng milyun-milyon at libu-libong anghel. Sila'y nakapaligid sa trono, sa apat na buháy na nilalang at sa matatandang pinuno. 12 Umaawit sila nang malakas,
“Ang Korderong pinatay ay karapat-dapat
tumanggap ng kapangyarihan, kayamanan, karunungan, kalakasan,
kaluwalhatian, papuri at paggalang!”
13 At narinig kong umaawit ang bawat nilikhang nasa langit, nasa lupa, nasa ilalim ng lupa at nasa dagat, lahat ng mga naroroon,
“Sa nakaupo sa trono, at sa Kordero,
ang papuri at karangalan, kaluwalhatian at kapangyarihan,
magpakailanman!”
14 At sumagot ang apat na nilalang na buháy, “Amen!” At nagpatirapa ang matatandang pinuno at nagsisamba.
Footnotes
- Pahayag 5:3 ilalim ng lupa: o kaya'y daigdig ng mga patay .
Revelation 5
Modern English Version
The Scroll and the Lamb
5 Then I saw in the right hand of Him who sat on the throne a scroll written within and on the back, sealed with seven seals. 2 And I saw a strong angel proclaiming with a loud voice, “Who is worthy to open the scroll and to break its seals?” 3 But no one in heaven or on earth or under the earth was able to open the scroll or to look in it. 4 I began to weep loudly, because no one was found worthy to open and read the scroll, or to look in it. 5 Then one of the elders said to me, “Do not weep. Look! The Lion of the tribe of Judah, the Root of David, has triumphed. He is able to open the scroll and to loose its seven seals.”
6 I saw a Lamb in the midst of the throne and of the four living creatures, and in the midst of the elders, standing as though it had been slain, having seven horns and seven eyes, which are the seven Spirits of God, sent out into all the earth. 7 He came and took the scroll out of the right hand of Him who sat on the throne. 8 When He had taken the scroll, the four living creatures and the twenty-four elders fell down before the Lamb, each one having a harp, and golden bowls full of incense, which are the prayers of saints. 9 And they sang a new song, saying:
“You are worthy to take the scroll,
and to open its seals;
for You were slain,
and have redeemed us to God by Your blood
out of every tribe and tongue and people and nation,
10 and have made us kings and priests unto our God;
and we shall reign on the earth.”
11 Then I looked, and I heard around the throne and the living creatures and the elders the voices of many angels, numbering ten thousand times ten thousand, and thousands of thousands, 12 saying with a loud voice:
“Worthy is the Lamb who was slain,
to receive power and riches and wisdom and strength
and honor and glory and blessing!”
13 Then I heard every creature which is in heaven and on the earth and under the earth and in the sea, and all that are in them, saying:
“To Him who sits on the throne and to the Lamb
be blessing and honor and glory and power,
forever and ever!”
14 The four living creatures said, “Amen.” And the twenty-four elders fell down and worshipped Him who lives forever and ever.
Magandang Balita Biblia, Copyright © Philippine Bible Society 2012.
The Holy Bible, Modern English Version. Copyright © 2014 by Military Bible Association. Published and distributed by Charisma House.