Pahayag 20:7-9

Ang Salita ng Dios (Tagalog Contemporary Bible)

Ang Pagkatalo ni Satanas

⁷ Pagkatapos ng 1,000 taon, pakakawalan si Satanas mula sa kanyang bilangguan. ⁸ Lalabas siya at dadayain ang mga bansa sa buong mundo, na tatawaging Gog at Magog. Titipunin sila ni Satanas at isasama sa pakikipagdigma sa mga mananampalataya. At ang matitipon niyang mga sundalo ay kasindami ng buhangin sa tabing-dagat na hindi kayang bilangin. ⁹ Kakalat sila sa buong mundo, at paliligiran nila ang kampo ng mga banal at ang pinakamamahal na lungsod. Pero pauulanan sila ng Dios ng apoy mula sa langit at mamamatay silang lahat.