Oseas 14:1-3

Ang Biblia (1978)

Ang Israel ay sinamo upang magbalik sa Panginoon.

14 Oh Israel, manumbalik ka sa ^(A)Panginoon mong Dios; sapagka't ikaw ay nabuwal dahil sa iyong kasamaan.

² Magpahayag kayo na may pagsisisi, at magsipanumbalik kayo sa Panginoon: sabihin ninyo sa kaniya, Alisin mo ang boong kasamaan, at tanggapin mo ang mabuti: sa gayo'y aming ilalagak na parang ^(B)mga toro ang handog ng aming mga labi.

³ Hindi ^(C)kami ililigtas ng Asiria; kami ay ^(D)hindi sasakay sa mga kabayo; ni magsasabi pa man kami sa gawa ng aming mga kamay, Kayo'y aming mga dios; ^(E)sapagka't dahil sa iyo'y nakakasumpong ng kaawaan ang ulila.