Omubuulizi 10

Endagaano Enkadde nʼEndagaano Empya

⁵ Ekibi ekirala kye nalaba,
    kye kikwata ku nsobi y’omufuzi:
^6 (D)nalaba ng’abasirusiru baweebwa ebifo ebisava,
    naye ng’abagagga bo baweebwa ebyo ebya wansi.
^7 (E)Ate nalaba ng’abaddu beebagala embalaasi,
    songa abalangira batambuza bigere ng’abaddu.

^8 (F)Asima ekinnya alikigwamu,
    n’oyo amenya ekisenge omusota gulimubojja.
^9 (G)Oyo ayasa amayinja gamulumya,
    n’oyo ayasa enku zimulumya.

¹⁰ Embazzi bwe tebaako bwogi,
    n’etewagalwa,
agitemya ateekwa okufuba ennyo,
    naye obumanyirivu bwe buwangula.

^11 (H)Omusota bwe guluma nga tegunnakola bya bufuusa,
    omufuusa talina kyafunamu.

^12 (I)Ebigambo ebiva mu kamwa k’omuntu ow’amagezi bya muwendo nnyo eri abo ababiwulira,
    naye akamwa k’omusirusiru kamusuula mu ntata.
¹³ Entandikwa y’ebigambo bye nga temuli nsa,
    ne ku nkomerero yaabyo biba mususa.
^{14     (J)}Omusirusiru asavuwaza ebigambo.

Tewali amanyi birijja,
    kale ani asobola okumubuulira ebiribaawo oluvannyuma lwe?

¹⁵ Omusirusiru aterebuka mangu olw’ekitamugendedde bulungi,
    n’abulwa n’ekkubo erimutwala mu kibuga.

^16 (K)Zikusanze gw’ensi kabaka bw’aba nga yali muddu,
    nga n’abalangira bakeera kwetamiirira!
^17 (L)Olina omukisa gw’ensi kabaka wo bw’aba nga wa lulyo lulangira,
    ate nga n’abalangira bo bamanyi ekiseera eky’okuliiramu,
    olw’okufuna amaanyi so si lwa kutamiira.

^18 (M)Obugayaavu buleetera akasolya k’ennyumba okutonnya,
    n’emikono egitayagala kukola gireetera ennyumba okutonnya.

^19 (N)Ekijjulo kikolebwa lwa kusanyuka,
    ne wayini yeeyagaza obulamu,
    naye ensimbi y’esobola byonna.

^20 (O)Tokolimira kabaka mu mutima gwo
    newaakubadde okukolimira omugagga mu kisenge kyo,
kubanga ennyonyi ey’omu bbanga eyinza okwetikka ebigambo byo
    nga biwandiikiddwa ku biwaawaatiro byayo n’ebibatuusaako.