Obadias 18-20

Ang Biblia, 2001

¹⁸ At ang sambahayan ni Jacob ay magiging isang apoy,
    ang sambahayan ni Jose ay isang liyab,
    ang sambahayan ni Esau ay dayami,
at sila'y kanilang susunugin, at sila'y tutupukin;
    at walang malalabi sa sambahayan ni Esau; sapagkat sinabi ng Panginoon.
¹⁹ Silang nasa Negeb ay mag-aangkin ng Bundok ng Esau,
    at silang nasa Shefela ay ang lupain ng mga Filisteo;
at kanilang aangkinin ang lupain ng Efraim, at ang lupain ng Samaria;
    at aangkinin ng Benjamin ang Gilead.
²⁰ Ang mga bihag sa Hala na kabilang sa bayan ng Israel
    ay mag-aangkin ng Fenicia hanggang sa Zarefta;
at ang mga bihag ng Jerusalem na nasa Sefarad
    ay aangkinin ang mga bayan ng Negeb.