Nnwom 23

Nkwa Asem

Awurade, yɛn Guanhwɛfo

23 Awurade ne me hwɛfo, hwee renhia me. ² Ɔma meda wura frɔmfrɔm adidibea. Ogya me kɔ nsu a ɛho dwo ho. ³ Odwudwo me kra. Ɔde me fa akwantrenee so, ne din nti.

⁴ Sɛ menam owu sum kabii mu mpo a, minsuro, Awurade, efisɛ, wo ne me na ɛwɔ hɔ. W’abaa ne wo poma na ɛkyerɛ me kwan.

⁵ Wotow me pon m’atamfo anim. Wode ngo fɔw me tirim. Me kuruwa yɛ ma bu so.

⁶ Yiye ne adɔe nko na ebedi m’akyi me nkwa nna nyinaa; na mɛtena Awurade fi daa.