Nehemias 4:7-9

Ang Salita ng Dios (Tagalog Contemporary Bible)

⁷ Ngunit nang mabalitaan nina Sanbalat, Tobia, at ng mga taga-Arabia, taga-Ammon, at mga taga-Ashdod na patuloy ang pagtatayo ng pader ng Jerusalem at natakpan na ang mga butas nito, galit na galit sila. ⁸ Binalak nilang lahat na salakayin ang Jerusalem para guluhin kami. ⁹ Subalit nanalangin kami sa aming Dios at naglagay ng mga guwardya araw at gabi para maprotektahan ang mga sarili namin.