Nehemias 2:18-20

Ang Biblia (1978)

¹⁸ At isinaysay ko sa kanila ang ^(A)kamay ng aking Dios na naging mabuti sa akin, at gayon din ang mga salita ng hari na sinalita niya sa akin. At kanilang sinabi, Magbangon tayo at magtayo. Sa gayo'y kanilang ^(B)pinalakas ang kanilang mga kamay sa mabuting gawa.

¹⁹ Nguni't nang mabalitaan ni Sanballat na Horonita, at ni Tobias na lingkod, na Ammonita, at ni ^(C)Gesem na taga Arabia, ay kanilang tinawanang mainam kami, at hinamak kami, at sinabi, Ano itong bagay na inyong ginagawa? ^(D)manghihimagsik ba kayo laban sa hari?

²⁰ Nang magkagayo'y sumagot ako sa kanila, at sinabi ko sa kanila, Ang Dios ng langit, siya ang magpapaginhawa sa amin: kaya't kaming kaniyang mga lingkod ay magbabangon at magtatayo: nguni't ^(E)kayo'y walang bahagi, o matuwid man, o alaala man, sa Jerusalem.