Nehemias 10:29-31

Magandang Balita Biblia

²⁹ ay nanunumpa kasama ng aming mga pinuno at nangangakong tutuparin ang buong Kautusan na ibinigay ng Diyos sa pamamagitan ng kanyang lingkod na si Moises. Susundin namin ang lahat ng tuntunin at utos ng Diyos naming si Yahweh.

³⁰ Hindi^(A) namin papayagang mag-asawa ang aming mga anak sa mga dayuhang naninirahan sa aming lupain.

³¹ Kung^(B) sila'y magtinda ng trigo o anumang paninda sa Araw ng Pamamahinga, hindi kami bibili sa kanila.

Tuwing ika-7 taon, hindi namin tatamnan ang mga bukirin at hindi na namin sisingilin ang mga may utang sa amin.