Mikas 5:3-5

Ang Biblia (1978)

³ Kaya't kaniyang ibibigay sila hanggang sa panahon na siya na nagdaramdam ay manganak: kung magkagayon ^(A)ang nalabi sa kaniyang mga kapatid ay babalik sa mga anak ni Israel.

⁴ At siya'y titindig, at magpapakain ng kaniyang kawan sa kalakasan ng Panginoon, sa kamahalan ng pangalan ng Panginoon niyang Dios: at sila'y mananatili; sapagka't ^(B)ngayon siya'y magiging dakila hanggang sa mga wakas ng lupa.

⁵ At ^(C) ang lalaking ito ay magiging kapayapaan natin. Pagka ang taga Asiria ay papasok sa ating lupain, at pagka siya'y tutungtong sa ating mga palacio, tayo nga'y mangagtitindig laban sa kaniya ng pitong pastor, at walong pinakapangulong tao.