Ang mga salitang laban sa Israel at Juda.

1 Ang Salita ng Panginoon na dumating kay ^(A)Mikas na Morastita, ^(B)nang mga kaarawan ni Jotham, ni Achaz, at ni Ezechias, na mga hari sa Juda, na nakakita ng tungkol sa ^(C)Samaria at sa Jerusalem.

² Dinggin ninyong mga bayan, ninyong lahat; dinggin mo, Oh lupa, at ng lahat na nasa iyo: at ang Panginoong Dios ay maging saksi laban sa iyo, ang Panginoon mula sa kaniyang banal na templo.

³ Sapagka't, narito, ang Panginoo'y lumalabas sa kaniyang dako, at bababa, at yayapak sa mga mataas na dako ng lupa.

⁴ At ang mga bundok ^(D)ay mangatutunaw sa ilalim niya, at ang mga libis ay mauupos, na ^(E)parang pagkit sa harap ng apoy, parang tubig na bumubuhos mula sa isang bundok.

⁵ Dahil sa pagsalansang ng Jacob ang lahat na ito, at dahil sa mga kasalanan ng sangbahayan ni Israel, Ano ang pagsalangsang ng Jacob? hindi baga ang ^(F)Samaria? at ano ang mga ^(G)mataas na dako ng Juda? di baga ang Jerusalem?

⁶ Kaya't gagawin ko ang Samaria na parang bunton sa parang, at parang mga pananim sa ubasan; at aking ilalagpak ang mga bato niyaon sa libis, at aking ^(H)ililitaw ang mga patibayan niyaon.

⁷ At lahat niyang larawang inanyuan ay pagpuputolputulin, at ^(I)ang lahat niyang kaupahan ay susupukin sa apoy, at ang lahat niyang diosdiosan ay aking ihahandusay na sira; sapagka't sa kaupahan sa isang patutot ay kaniyang mga pinisan, at sa kaupahan sa isang patutot ay mangauuwi.

Ang darating na kagibaan ay kalungkot-lungkot.

⁸ Dahil dito tataghoy ako, at mananambitan; ako'y yayaong hinubdan at hubad; ako'y uungal na parang chakal, at mananangis na gaya ng mga avestruz.

⁹ Sapagka't ang kaniyang mga sugat ay walang kagamutan; sapagka't dumarating hanggang sa Juda; ^(J)umaabot hanggang sa pintuang-bayan ng aking bansa, hanggang sa Jerusalem.

¹⁰ Huwag ninyong saysayin sa ^(K)Gath huwag kayong pakaiyak: sa Bethle-Aphra gumumon ako sa alabok.

¹¹ Magdaan ka, Oh nananahan sa Saphir, sa kahubaran at kahihiyan: ang nananahan sa Haanan ay hindi lumalabas; ang taghoy ng Beth-esel ay magaalis sa iyo ng pangalalay niyaon.

¹² Sapagka't ang nananahan sa Maroth ay naghihintay na mainam ng ikabubuti, sapagka't ang kasamaan ay bumaba mula sa Panginoon hanggang sa pintuang-bayan ng Jerusalem.

¹³ Isingkaw mo ang karo sa maliksing kabayo, Oh nananahan sa Lachis: siya ang pasimula ng kasalanan sa anak na babae ng Sion: sapagka't ang pagsalangsang ng Israel ay nasumpungan sa iyo.

¹⁴ Kaya't ikaw ay magbibigay ng kaloob sa pagpapaalam sa ^(L)Moresethgath: ang mga bahay sa Achzib ay magiging karayaang bagay sa mga hari sa Israel.

¹⁵ Dadalhin ko pa sa iyo, Oh nananahan sa Maresah ang magaari sa iyo: ang kaluwalhatian ng Israel ay darating hanggang sa Adullam.

^16 (M)Magpakakalbo ka, at pagupit ka dahil sa mga anak ng iyong kalayawan: palakihin mo ang iyong pagkakalbo na gaya ng aguila; sapagka't sila'y nangapasa pagkabihag mula sa iyo.