2 Ègbé ni fún àwọn tí ń gbèrò àìṣedéédéé
    tí wọ́n sì ń ṣiṣẹ́ ibi lórí ibùsùn wọn!
Nígbà tí ojúmọ́ bá mọ́, wọn yóò gbé e jáde
    nítorí ó wà ní agbára wọn láti ṣe é.
² Wọ́n sì ń ṣe ojúkòkòrò oko, wọ́n sì fi agbára wọn gbà wọ́n,
    àti àwọn ilé, wọ́n sì gbà wọ́n.
Wọ́n sì ni ènìyàn àti ilẹ̀ rẹ̀ lára
    àní ènìyàn àti ohun ìní rẹ̀.

“Èmi ń gbèrò ibi sí àwọn ìdílé wọ̀nyí,
    nínú èyí tí wọn kì yóò le è gba ara wọn là.
Ìwọ kì yóò sì lè máa rìn ní ìgbéraga mọ́,
    nítorí yóò jẹ́ àkókò ibi.
⁴ Ní ọjọ́ náà ni ẹnìkan yóò pa òwe kan sí yín;
    wọn yóò sì pohùnréré ẹkún kíkorò pé:
‘Ní kíkó a ti kó wọn tán;
    Olúwa ti pín ohun ìní àwọn ènìyàn mi;
Ó ti mú un kúrò lọ́dọ̀ mi!
    Ó fi oko wa lé àwọn ọlọ̀tẹ̀ lọ́wọ́.’ ”

⁶ “Ẹ má ṣe sọtẹ́lẹ̀,” ni àwọn Wòlíì wọn wí.
    “Ẹ má ṣe sọtẹ́lẹ̀ nípa nǹkan wọ̀nyí;
    kí ìtìjú má ṣe le bá wa”
⁷ Ṣé kí á sọ ọ́, ìwọ ilé Jakọbu:
    “Ǹjẹ́ ẹ̀mí Olúwa ha ń bínú bí?
    Ǹjẹ́ iṣẹ́ rẹ ha nìwọ̀nyí?”

¹² “Èmi yóò kó gbogbo yín jọ, ìwọ Jakọbu;
    Èmi yóò gbá ìyókù Israẹli jọ.
Èmi yóò kó wọn jọ pọ̀ gẹ́gẹ́ bí àgùntàn nínú agbo ẹran,
    gẹ́gẹ́ bí ọ̀wọ́ ẹran nínú agbo wọn,
    ibẹ̀ yóò sì pariwo nítorí ọ̀pọ̀ ènìyàn.
¹³ Ẹni tí ó ń fọ ọ̀nà yóò lọ sókè níwájú wọn;
    wọn yóò fọ láti ẹnu ibodè, wọn yóò sì jáde lọ.
Àwọn ọba wọn yóò sì kọjá lọ níwájú wọn,
    Olúwa ni yóò sì ṣe olórí wọn.”