Mga Panaghoy 4:2-4

Ang Biblia, 2001

² Ang mahahalagang anak ng Zion,
    na kasimbigat ng dalisay na ginto,
ano't pinapahalagahan na waring mga sisidlang lupa,
    na gawa ng mga kamay ng magpapalayok!

³ Maging ang mga asong-gubat ay naglalabas ng dibdib
    at nagpapasuso sa kanilang mga anak,
ngunit ang anak na babae ng aking bayan ay naging malupit,
    parang mga avestruz sa ilang.

⁴ Ang dila ng sumususong bata ay dumidikit
    sa ngalangala ng kanyang bibig dahil sa uhaw.
Ang mga bata ay humihingi ng tinapay,
    ngunit walang taong nagpuputol nito sa kanila.