Mga Panaghoy 2:15-17

Ang Biblia, 2001

¹⁵ Lahat ng nagdaraan
    ay ipinapalakpak ang kanilang kamay sa iyo;
sila'y nanunuya at iniiling ang kanilang ulo
    sa anak na babae ng Jerusalem;
“Ito ba ang lunsod na tinatawag
    na kasakdalan ng kagandahan,
    ang kagalakan ng buong lupa?”

¹⁶ Maluwang na ibinuka ng lahat mong mga kaaway ang kanilang bibig:
sila'y nanunuya at nagngangalit ang ngipin;
    kanilang sinasabi, “Nilamon na namin siya!
Tunay na ito ang araw na aming hinihintay;
    ngayo'y natamo na namin ito; nakita na namin.”

¹⁷ Ginawa ng Panginoon ang kanyang ipinasiya;
    na isinagawa ang kanyang banta
na kanyang iniutos nang una;
    kanyang ibinagsak, at hindi naawa:
hinayaan niyang pagkatuwaan ka ng iyong mga kaaway,
    at itinaas ang kapangyarihan ng iyong mga kalaban.