Mga Panaghoy 1:11-13

Ang Biblia, 2001

¹¹ Ang buong bayan niya ay dumaraing
    habang sila'y naghahanap ng tinapay;
ipinagpalit nila ng pagkain ang kanilang mga kayamanan
    upang ibalik ang kanilang lakas.
“Tingnan mo, O Panginoon, at masdan mo;
    sapagkat ako'y naging hamak.”

¹² “Wala bang anuman sa inyo, kayong lahat na nagdaraan?
    Inyong masdan at tingnan
kung may anumang kapanglawan na gaya ng aking kapanglawan,
    na ibinigay sa akin,
na ipinabata sa akin ng Panginoon
    sa araw ng kanyang mabangis na galit.

¹³ “Mula sa itaas ay nagsugo siya ng apoy;
    sa aking mga buto ay pinababa niya ito;
nagladlad siya ng lambat para sa aking mga paa,
    pinabalik niya ako;
iniwan niya akong natitigilan
    at nanghihina sa buong araw.