Mga Kawikaan 11
Ang Biblia, 2001
11 Kasuklamsuklam sa Panginoon ang madayang timbangan,
ngunit ang tamang timbangan ay kanyang kasiyahan.
2 Kapag dumarating ang pagmamataas ay dumarating din ang kahihiyan;
ngunit kasama ng mapagpakumbaba ay ang karunungan.
3 Ang katapatan ng mga matuwid ang pumapatnubay sa kanila,
ngunit ang kalikuan ng mga taksil ang sa kanila'y sumisira.
4 Ang mga kayamanan ay walang kabuluhan sa araw ng kapootan,
ngunit ang katuwiran ay nagliligtas sa kamatayan.
5 Ang katuwiran ng walang sala ang nagtutuwid sa kanyang daan,
ngunit nabubuwal ang masama dahil sa sarili niyang kasamaan.
6 Ang katuwiran ng matutuwid ang nagliligtas sa kanila,
ngunit ang mga taksil ay nadadakip sa kanilang sariling pagnanasa.
7 Kapag ang masamang tao ay namamatay, ang kanyang pag-asa ay mapapahamak,
at ang inaasam ng masama ay napaparam.
8 Ang matuwid ay naliligtas sa gulo,
at ang masama naman ay nasasangkot dito.
9 Pinupuksa ng masama ang kanyang kapwa sa pamamagitan ng bibig,
ngunit sa pamamagitan ng kaalaman ay naliligtas ang matuwid.
10 Kapag napapabuti ang matutuwid, ang lunsod ay nagdiriwang,
at kapag ang masama ay napapahamak, may sigawan ng kagalakan.
11 Sa pagpapala ng matuwid ang lunsod ay dinadakila,
ngunit ito'y nawawasak sa pamamagitan ng bibig ng masama.
12 Ang humahamak sa kanyang kapwa ay kulang sa sariling bait,
ngunit ang taong may unawa ay tumatahimik.
13 Ang gumagalang tagapagdala ng tsismis, mga lihim ay inihahayag,
ngunit nakapagtatago ng bagay ang may espiritung tapat.
14 Kung saan walang patnubay, bumabagsak ang bayan;
ngunit sa karamihan ng mga tagapayo ay mayroong kaligtasan.
15 Siyang nananagot sa di-kilala, sa gusot ay malalagay;
ngunit siyang namumuhi sa pananagot ay tiwasay.
16 Ang mapagbiyayang babae ay nagkakamit ng karangalan,
at ang marahas na lalaki ay nagkakaroon ng kayamanan.
17 Ang taong mabait ay gumagawa ng mabuti sa kanyang sarili,
ngunit ang taong malupit ay nananakit sa kanyang sarili.
18 Napapalâ ng masama ay madayang kabayaran,
ngunit ang naghahasik ng katuwiran ay tiyak na gantimpala ang kakamtan.
19 Siyang matatag sa katuwiran ay mabubuhay,
ngunit ang humahabol sa kasamaan ay mamamatay.
20 Silang suwail sa puso sa Panginoon ay kasuklamsuklam,
ngunit ang sakdal sa kanilang lakad ay kanyang kasiyahan.
21 Ang masamang tao ay tiyak na parurusahan,
ngunit ang matutuwid ay may kaligtasan.
22 Tulad ng singsing na ginto sa nguso ng baboy,
gayon ang isang magandang babae na walang dunong.
23 Ang nasa ng matuwid ay nagwawakas lamang sa kabutihan,
ngunit ang inaasahan ng masama ay sa kapootan.
24 May taong nagbibigay ng masagana at lalo pang yumayaman,
may nagkakait ng dapat ibigay, ngunit naghihirap lamang.
25 Ang taong mapagbigay ay payayamanin,
at siyang nagdidilig ay didiligin din.
26 Susumpain ng bayan ang nagkakait ng trigo,
ngunit ang nagbibili niyon ay may pagpapala sa kanyang ulo.
27 Ang masipag na humahanap ng mabuti ay humahanap ng pagpapala,
ngunit ang kasamaa'y dumarating sa naghahanap ng masama.
28 Siyang nagtitiwala sa kanyang mga kayamanan ay mabubuwal,[a]
ngunit ang matuwid ay mamumukadkad na parang dahong luntian.
29 Magmamana ng hangin ang gumugulo sa kanyang sariling sambahayan,
at magiging alipin naman ng marunong ang hangal.
30 Ang bunga ng matuwid ay punungkahoy ng buhay;
at ang humihikayat ng kaluluwa ay may karunungan.
31 Kung(A) ang matuwid sa lupa ay ginagantihan,
gaano pa kaya ang masama at ang makasalanan!
Footnotes
- Mga Kawikaan 11:28 o malalanta .
Kawikaan 11
Ang Salita ng Dios (Tagalog Contemporary Bible)
11 Kinasusuklaman ng Panginoon ang nandaraya sa timbangan, ngunit ang nagtitimbang ng tama ay kanyang kinalulugdan.
2 Ang taong mayabang ay madaling mapahiya, ngunit may karunungan ang taong mapagpakumbaba.
3 Ang pamumuhay nang may katapatan ang gagabay sa taong matuwid, ngunit ang taong mandaraya ay mapapahamak dahil hindi tama ang kanyang pamumuhay.
4 Ang kayamanan ay hindi makakatulong sa araw ng paghuhukom, ngunit ang matuwid na pamumuhay ay magliligtas sa iyo sa kamatayan.
5 Ang matuwid at walang kapintasang pamumuhay ay makapagpapagaan ng buhay, ngunit ang masamang pamumuhay ay maghahatid ng kapahamakan.
6 Ang pamumuhay ng taong matuwid ang magliligtas sa kanya, ngunit ang hangad ng taong mandaraya ang magpapahamak sa kanya.
7 Kapag namatay ang taong masama, pag-asa niyaʼy mawawala, at ang kanyang mga inaasahan ay mawawalan ng kabuluhan.
8 Inililigtas ng Dios sa kahirapan ang matuwid, ngunit ang masama ay kanyang pinapabayaan.
9 Sinisira ng hindi makadios ang kapwa niya sa pamamagitan ng kanyang mga salita. Ang taong matuwid ay maililigtas ng kanyang kaalaman.
10 Kapag ang matuwid ay pinagpapala, mga taoʼy sumisigaw sa tuwa. At kapag ang masama ay napapahamak ganoon din ang kanilang ginagawa.
11 Umuunlad ang isang bayan sa pagpapala ng mga mamamayang matuwid, subalit nawawasak ito sa pamamagitan ng salita ng masama.
12 Ang taong walang pang-unawa ay kinukutya ang kapwa, ngunit ang taong may pang-unawa ay hindi nangungutya.
13 Ang mga taong madaldal ay nagsisiwalat ng sikreto ng iba, ngunit ang taong mapagkakatiwalaan ay nakakapagtago ng sikreto ng iba.
14 Babagsak ang bansa kung ang namumuno nito ay walang gumagabay, ngunit kung maraming tagapayo tiyak ang tagumpay.
15 Delikado ang mangakong managot sa utang ng iba, kaya iwasan itong gawin upang hindi ka magkaproblema.
16 Ang babaeng maganda ang ugali ay nag-aani ng karangalan, ngunit ang taong marahas ay magaling lang sa pag-angkin ng kayamanan. Ang taong tamad ay maghihirap,[a] ngunit ang taong masipag ay yayaman.
17 Kung mabait ka para iyon sa iyong kabutihan, ngunit kung malupit ka para iyon sa iyong kapahamakan.
18 Ang masamang tao ay hindi tatanggap ng tunay na gantimpala, ngunit ang gumagawa ng matuwid ay tatanggap ng tunay na gantimpala.
19 Ang taong gumagawa ng matuwid ay patuloy na mabubuhay, ngunit ang taong gumagawa ng masama ay mamamatay.
20 Kasuklam-suklam sa Panginoon ang pag-iisip ng masama, ngunit ang buhay na matuwid ay kalugod-lugod sa kanya.
21 Ang taong masama, tiyak na parurusahan, ngunit ang matuwid ay makakaligtas.
22 Ang magandang babaeng hindi marunong magpasya ay parang isang gintong singsing sa nguso ng baboy.
23 Ang ninanais ng matuwid ay pawang kabutihan, ngunit ang ninanais ng masama ay nagdudulot ng kaguluhan.
24 Ang mga taong mapagbigay ay lalong yumayaman, ngunit ang mga taong sakim ay hahantong sa kahirapan.
25 Ang taong mapagbigay ay magtatagumpay sa buhay; ang taong tumutulong ay tiyak na tutulungan.
26 Isinusumpa ang taong nagtatago ng paninda para maitinda ito kapag mataas na ang presyo, ngunit pinupuri ang taong hindi nagtatago ng paninda.
27 Ang taong naghahanap ng kabutihan ay makakatagpo nito, ngunit ang taong naghahanap ng gulo ay makakatagpo rin ng gulo.
28 Mabibigo ang taong nagtitiwala sa kanyang kayamanan, ngunit ang taong matuwid ay lalago na parang sariwang halaman.
29 Ang mga hangal na nagdadala ng gulo sa sariling tahanan ay walang mamanahin sa huli. Magiging alipin lang sila ng mga taong may karunungan.
30 Ang ginagawa ng mga taong matuwid ay makakatulong sa iba upang mapabuti at mapahaba ang kanilang buhay.[b] At madadala niya ang mga tao sa pamamagitan ng kanyang karunungan.
31 Ang mga ginagawa ng mga taong matuwid dito sa mundo ay ginagantihan ng kabutihan, gayon din sa makasalanan at hindi kumikilala sa Dios, ganti sa kanila ay kaparusahan.
Proverbs 11
English Standard Version
11 (A)A false balance is an abomination to the Lord,
(B)but a just weight is his delight.
2 (C)When pride comes, then comes disgrace,
but with (D)the humble is wisdom.
3 (E)The integrity of the upright guides them,
(F)but the crookedness of the treacherous destroys them.
4 (G)Riches do not profit in the day of wrath,
(H)but righteousness delivers from death.
5 The righteousness of the blameless (I)keeps his way straight,
but the wicked falls by his own wickedness.
6 (J)The righteousness of the upright delivers them,
but the treacherous (K)are taken captive by their lust.
7 When the wicked dies, his (L)hope will perish,
and (M)the expectation of wealth[a] perishes too.
8 (N)The righteous is delivered from trouble,
and the wicked walks into it instead.
9 With his mouth the godless man would destroy his neighbor,
but by knowledge the righteous are delivered.
10 (O)When it goes well with the righteous, the city rejoices,
and when the wicked perish there are shouts of gladness.
11 By the blessing of the upright a city is exalted,
but (P)by the mouth of the wicked (Q)it is overthrown.
12 Whoever (R)belittles his neighbor lacks sense,
but a man of understanding remains silent.
13 Whoever (S)goes about slandering reveals secrets,
but he who is trustworthy in spirit keeps a thing covered.
14 Where there is (T)no guidance, a people falls,
(U)but in an abundance of counselors there is safety.
15 (V)Whoever puts up security for a stranger will surely suffer harm,
but he who hates striking hands in pledge is secure.
16 (W)A gracious woman gets honor,
and (X)violent men get riches.
17 (Y)A man who is kind benefits himself,
but a cruel man hurts himself.
18 The wicked earns deceptive wages,
but one who (Z)sows righteousness gets a sure reward.
19 Whoever is steadfast in righteousness (AA)will live,
but (AB)he who pursues evil will die.
20 Those of (AC)crooked heart are (AD)an abomination to the Lord,
but those of (AE)blameless ways are (AF)his delight.
21 (AG)Be assured, (AH)an evil person will not go unpunished,
but (AI)the offspring of the righteous will be delivered.
22 Like (AJ)a gold ring in a pig's snout
is a beautiful woman without discretion.
23 The desire of the righteous ends only in good,
(AK)the expectation of the wicked in wrath.
24 (AL)One gives (AM)freely, yet grows all the richer;
another withholds what he should give, and only suffers want.
25 (AN)Whoever brings blessing (AO)will be enriched,
and (AP)one who waters will himself be watered.
26 (AQ)The people curse him who holds back grain,
but (AR)a blessing is on the head of him who (AS)sells it.
27 Whoever diligently seeks good seeks favor,[b]
but evil comes to (AT)him who searches for it.
28 Whoever (AU)trusts in his riches will fall,
but the righteous will (AV)flourish like a green leaf.
29 Whoever (AW)troubles his own household will (AX)inherit the wind,
and the fool will be servant to the wise of heart.
30 The fruit of the righteous is (AY)a tree of life,
and whoever (AZ)captures souls is wise.
31 If (BA)the righteous is repaid on earth,
how much more the wicked and the sinner!
Footnotes
- Proverbs 11:7 Or of his strength, or of iniquity
- Proverbs 11:27 Or acceptance
Ang Salita ng Dios (Tagalog Contemporary Bible) Copyright © 2009, 2011, 2014, 2015 by Biblica, Inc. ®
The ESV® Bible (The Holy Bible, English Standard Version®), © 2001 by Crossway, a publishing ministry of Good News Publishers. ESV Text Edition: 2025.
