Mga Hukom 3:12-14

Ang Biblia, 2001

¹² Muling gumawa ng masama ang mga anak ni Israel sa paningin ng Panginoon. Pinatatag ng Panginoon si Eglon na hari sa Moab laban sa Israel, sapagkat kanilang ginawa ang masama sa paningin ng Panginoon.

¹³ Kanyang tinipon ang mga anak ni Ammon at ni Amalek at siya'y humayo at tinalo niya ang Israel, at kanilang inangkin ang lunsod ng mga puno ng palma.

¹⁴ Ang mga anak ni Israel ay naglingkod kay Eglon na hari ng Moab ng labingwalong taon.