Mga Hukom 16:19-21

Ang Biblia (1978)

¹⁹ At pinatulog niya siya sa kaniyang mga tuhod; at nagpatawag siya ng isang lalake, at inahit ang pitong tirintas sa kaniyang ulo; at pinasimulan niyang ^(A)pighatiin siya, at ang kaniyang lakas ay nawala.

²⁰ At sinabi niya, Narito na sa iyo ang mga Filisteo, Samson. At siya'y gumising sa kaniyang pagkakatulog, at sinabi, Ako'y lalabas na gaya ng dati, at ako'y magpupumiglas. Nguni't ^(B)hindi niya talos na ang Panginoo'y humiwalay sa kaniya.

²¹ At hinuli ng mga Filisteo, at ^(C)dinukit ang kaniyang mga mata; at inilusong nila sa Gaza, at tinalian ^(D)siya ng mga pangaw na tanso; at siya'y ^(E)gumiling sa bilangguan.