Mga Hebreo 7:19-21

Magandang Balita Biblia (with Deuterocanon)

¹⁹Sapagkat walang sinumang nagiging ganap sa pamamagitan ng Kautusan ni Moises. Higit na mabuti ang bagong pag-asang tinanggap natin ngayon, sapagkat sa pamamagitan nito'y nakakalapit na tayo sa Diyos.

²⁰Ang Diyos ay hindi nanumpa nang gawin niyang pari ang iba, ²¹ngunit^(A) nanumpa siya nang gawin niyang pari si Jesus, ayon sa sinabi niya,

“Ang Panginoon ay sumumpa,
at hindi siya magbabago ng isip,
‘Ikaw ay pari magpakailanman!’”