Mga Gawa 6:5-7

Ang Biblia (1978)

⁵ At minagaling ng buong karamihan ang pananalitang ito: at kanilang inihalal si Esteban, ^(A)taong puspos ng pananampalataya at ng Espiritu Santo, ^(B)at si Felipe, at si Procoro, at si Nicanor, at si Timon, at si Parmenas, at si Nicolas na taga ^(C)Antioquia ^(D)na naging Judio;

⁶ Na siyang iniharap nila sa mga apostol: at nang sila'y ^(E)mangakapanalangin na, ay ^(F)ipinatong nila ang kanilang mga kamay sa mga yaon.

⁷ At lumago ang salita ng Dios; at dumaming lubha sa Jerusalem ang bilang ng mga alagad; at nagsitalima sa pananampalataya ang lubhang maraming ^(G)saserdote.