Mga Gawa 19:29-31

Magandang Balita Biblia

²⁹ Kaya't nagkagulo ang mga tao sa buong lungsod; sama-sama silang sumugod sa tanghalan at kinaladkad nila roon sina Gaius at Aristarco, mga taga-Macedoniang kasama ni Pablo sa paglalakbay. ³⁰ Nais sana ni Pablong humarap sa madla, ngunit hindi siya pinayagan ng mga kapatid. ³¹ Nagpasugo rin sa kanya ang ilang kaibigang mga pinuno sa lalawigang Asia. Mahigpit siyang pinakiusapang huwag pumunta sa tanghalan.