Mga Gawa 11:27-29

Magandang Balita Biblia (with Deuterocanon)

²⁷ Nang panahong iyon, dumating sa Antioquia ang ilang propeta mula sa Jerusalem. ²⁸ Tumayo^(A) ang isa sa kanila na ang pangala'y Agabo, at sa kapangyarihan ng Espiritu ay nagpahayag na magkakaroon ng matinding taggutom sa buong daigdig. Nangyari nga iyon noong kapanahunan ni Emperador Claudio. ²⁹ Napagpasyahan ng mga alagad na magpadala ng tulong sa mga kapatid na naninirahan sa Judea, ayon sa kakayanan ng bawat isa.