Mga Bilang 19:1-3

Ang Biblia, 2001

Ang Paglilinis sa Pamamagitan ng Abo ng Babaing Baka

19 Ang Panginoon ay nagsalita kina Moises at Aaron, na sinasabi:

² “Ito ang tuntunin ng kautusan na iniutos ng Panginoon, ‘Sabihin mo sa mga anak ni Israel, na sila'y magdala sa iyo ng isang mapulang dumalagang baka, na walang kapintasan, walang dungis, na hindi pa napapatungan ng pamatok.

³ Ibibigay ninyo ito sa paring si Eleazar, at kanyang ilalabas sa kampo at papatayin sa kanyang harapan.