Mga Bilang 11:16-18

Ang Biblia (1978)

Pitongpung lalake sa mga matatanda ang kinatulong ni Moises.

¹⁶ At sinabi ng Panginoon kay Moises, Pisanin mo sa akin ang ^(A)pitong pung lalake sa mga matanda sa Israel, sa iyong mga nalalaman na mga matanda sa bayan at mga ^(B)nangungulo sa kanila; at dalhin mo sa tabernakulo ng kapisanan, upang sila'y makatayo roon na kasama mo.

¹⁷ At ^(C)ako'y bababa at makikipag-usap sa iyo doon; at ako'y kukuha sa Espiritung sumasaiyo ^(D)at aking isasalin sa kanila; at kanilang dadalhin ang ^(E)pasan ng bayan na kasama mo, upang huwag mong dalhing magisa.

¹⁸ At sabihin mo ^(F)sa bayan, Magpakabanal kayo, para sa kinabukasan, at kayo'y magsisikain ng karne: sapagka't kayo'y nagsisiiyak sa pakinig ng Panginoon, na sinasabi, Sinong magbibigay sa amin ng karne na aming makakain? sapagka't maigi kahit nang nasa Egipto: dahil dito bibigyan kayo ng Panginoon ng karne at kakain kayo.