Mga Awit 89:17-19

Magandang Balita Biblia

¹⁷ Ang tagumpay namin ay iyong kaloob,
    dahilan sa iyong kagandahang-loob.
¹⁸ Sapagkat si Yahweh ang aming sanggalang,
    ang aming hari ay siya ang humirang, Banal ng Israel, siya'y aming sandigan.

¹⁹ Noon pa mang una, sa mga lingkod mo, ika'y nagsalita,
    sa pangitaing ipinakita'y ito ang badya:
    “Aking pinutungan ang isang dakila,
    na aking pinili sa gitna ng madla.