Mga Awit 86:13-15

Ang Biblia, 2001

¹³Sapagkat dakila ang iyong tapat na pagsinta sa akin;
sa kalaliman ng Sheol ay iniligtas mo ang aking kaluluwa.

¹⁴O Diyos, ang mga taong mayabang ay nagbangon laban sa akin,
    isang pangkat ng malulupit na tao ang nagtatangka sa aking buhay,
    at hindi ka nila isinaalang-alang sa harapan nila.
¹⁵Ngunit ikaw, O Panginoon, ay Diyos na mahabagin at mapagbiyaya,
    banayad sa pagkagalit, sa tapat na pag-ibig at katapatan ay sagana.